Коомдук алдын алуу борборлору

Коомдук алдын алуу борборлору кылмыштуулуктун алдын алууда жана коомчулуктун деңгээлинде коопсуздукту чыңдоодо негизги ролду ойнойт. Алардын максаты - кылмыштуулукту азайтуу жана тынчтыкты курууга шарттарды түзүү. КААБдын мүчөлөрү аялдар комитеттери, аксакалдар соту, жаштар комитеттери, милиция кызматкерлери жана жергиликтүү өз алдынча башкаруу органдарынын өкүлдөрү болуп саналат. Бул адамдардын чогуу иш алып баруусу натыйжалуу өнөктөштүктү жана кеңири калкты камтууга өбөлгө түзөт.

Долбоор тарабынан колдоого алынган Коомдук алдын алуу борборлору Кыргыз Республикасынын бүткүл аймагын камтыйт. Бул КААБдар кылмыштуулуктун алдын алууга жана жамааттардагы коопсуздукту жакшыртууга багытталган иш-чараларды жана демилгелерди үзгүлтүксүз уюштурат.

Жыл сайын КААБдар жамааттардагы көйгөйлөрдү талдап, приоритеттөөнүн негизинде иш планын иштеп чыгат. Бул план ар кандай багыттар боюнча иш-чараларды камтыйт, мисалы:

• Үй-бүлөлүк зомбулуктун алдын алуу;
• Жашы жете электердин арасындагы укук бузуулардын алдын алуу;
• Баңги каражаттарын жана психотроптук заттарды колдонуунун алдын алуу;
• Бейбаштыктын жана рэкетчиликтин алдын алуу;
• Толеранттуулукту бекемдөө жана тынчтыкта ​​өз ара аракеттенүү үчүн көндүмдөрдү өнүктүрүү;
• Жарандар менен укук коргоо органдарынын чогуу иш алып баруусун жана кызматташтыгын жакшыртуу;

Бул иш-чаралар төмөнкүлөрдү камтыйт:

• Маалымдуулукту жогорулатуу үчүн агартуучу жолугушуулары, тематикалык конкурстар жана форум театрлар;
• Интеллектуалдык оюндар, психологиялык тренингдер жана тарбиялык иш-чаралар;
• Ар кандай социалдык топтордун өкүлдөрү менен семинарлар, чыгармачылык иш-чаралар жана мотивациялык жолугушуулар;
• Ата-энелер жана мектеп окуучулары үчүн үй-бүлөлүк мамилелерди жакшыртууга жана чыр-чатактардын алдын алууга багытталган консультациялар;
• Өнүгүүгө жана билим алууга шыктандыруу үчүн кооптуу топтогу жаштар жана жалпы эле жаштарга жогорку окуу жайларына тааныштыруу экскурсиялары;
• Тургундар менен укук коргоо органдарынын ортосундагы ишенимди жана кызматташтыкты өнүктүрүүгө көмөктөшүүчү КААБ тарабынан ачык отчеттуулук;